Osasun Publikoaren eginkizunetako bat Euskal Autonomia Erkidegoan gaixotasun kutsakorren kontrolaz arduratzea da. Nahiz eta bizi baldintzen hobekuntzak eta euskal sistema sanitarioan lortu den garapen mailak gaixotasun infekzioso askoren inpaktua murriztu duten, hauek oraindik ere osasun arazo larria izaten jarraitzen dute.

Zenbait gaixotasun ia garaiturik badaude ere, esate baterako, tuberkulosia, urtetik urtera gutxiagotuz doana, edo elgorria, desagertzeko bidean dagoena, beste gaixotasun batzuk, emergenteak deritzenak, noizbehinka indartsu agertzen dira eta horien aurrean ezinbestekoa da zainketa epidemiologiko egoki bat mantentzea. Zainketa Epidemiologikoko Sistemaren helburua informazio azkarra eta fidagarria hornitzea da, EAEko agerraldi eta gaixotasun kutsagarrien kontrol eta prebentziora bideraturiko ekintzak ahalbidetuko dituena.