Jagoletza sareak ikerkuntza epidemiologikoko tresna bat dira eta daukaten helburua gaixotasunen ezagutza sakontzea eta lehen mailako atentzioaren kalitatea hobetzea da. Jagoletza sareen bidez ikertu diren gaixotasunek prozesu gama zabal bat barne hartu dute, patologia infekziosoetatik hasita izaera kronikoko gaixotasunetaraino. Oraindik sortu berria bada ere, Euskal Herriko Mediku Jagoleen Sareak lan asko ditu burutuak eta esperientzia zabala dauka. Urte hauetan garatu duen lanari esker, sarea sendotu egin da eta gaur egun gero eta konplexuago eta interesgarriago diren proiektuei ekiten die.